參加婚禮，妳第一眼會望咩呢？新人？場地怖置？原來有唔少人第一眼都會望擺喺枱面上嘅婚禮小禮物。千祈唔好睇小回禮小禮物，佢絕對會影響妳整個婚禮畀人嘅感覺，但而家市面愈黎愈多唔同嘅回禮禮物，新人應該點樣入手？
總括嚟講，回禮小禮物大致可分為三類型。當中有大熱之選，亦有近年逐漸冒起嘅特色小禮物。但當大家買得興起嘅時候，千祈唔好忽略當中一啲小問題呀，分分鐘令妳完美嘅婚禮無辜添上一啲尷尬事情！
但要留意，呢類禮品雖然好穩打穩紮，但嚟參加嘅賓客其實係咪都會食朱古力、拎走蜜糖呢？若然踏入婚禮旺季，有機會一個月飲兩至三次，如果嚟嚟去去都係呢類物品，大家可能唔會再拎，造成浪費。
如想送一些「飲食類」禮品，其實可以選擇一啲既輕身，又可以養生嘅小茶包都係唔錯嘅選擇。例如禮品公司Agreable仲可以幫妳設計個人化包裝添～
回禮小禮物
仲有平時等新人入場都等好耐，如果回禮小禮物系一包爆谷，可以邊食邊等新人進場，妳話幾正呢～Powcook一Set 6種口味爆谷
(黑白焦糖、松露朱古力、麻辣芝士、冬蔭公、錫蘭紅茶、紫薯焦糖)，仲要係本土香港制造嘅爆谷，香港人必食！
回禮小禮物
01）穩打穩紮型：糖、朱古力、曲奇
如果問乜嘢係大家收到最多嘅回禮禮物頭三位，相信「朱古力」、「蜜糖」以及「糖」應該都爭議聲不大！始終以上呢幾樣嘢都代表甜甜蜜蜜，自然成為唔少新人首選。
02）玩味型：準備現場「飲食」
近年婚禮上都有唔少嘢玩，希望等賓客入席時唔使發呆，其實新人可以利用呢啲元素做回禮小禮物，例如係PHOTOBOOTH，賓客可盡情影相之外，亦有「紀念品拎走」 。另外如果考慮到唔太鐘意影相打卡嘅年長賓客，亦可以準備現場「飲食」如爆谷機、棉花糖機等等，有興趣先埋去拎，實行擺酒之餘不浪費。
03）心思型：新人客制化小物
結婚既然叫得做人生大事，自己做主角，當然希望人地都會記得自己個婚禮，所以有新人會將印有自己個樣或者婚紗相制成一啲物品，例如係鎖匙扣、相架擺設、水晶裝飾等等。但要小心，呢類物品通常最後嘅結果都系原封不地擺番喺枱面。試下代入角色，若果妳做賓客，都唔會想將人地嘅婚紗相擺喺屋企啦係咪？
所以推介各位新人可以考慮一下擺放「客制化小攤檔」，近年興起一鼓香水熱潮，例如SOVOS與Parisine的Mini Perfume Bar，賓客可於婚禮當日於親自調配佢哋鐘意嘅香水，收到自己最鐘意又獨一無二嘅回禮。
04）新人意識型：實用小物
如果真係想以自己做主題，可試下做一啲「卡通人像環保袋」或者月曆卡，盡量於日常生活都對大家有作用，唔浪費之餘亦都可以令大家隨時記得新人們，呢啲仲唔系一舉兩得！？
05）配合主題婚禮型
主題婚禮依家已經愈見普及，一個得意嘅主題絕對會亦令人容易留下深刻嘅印象！所以喺回禮上面往往都有令人意想不到嘅心思！
呢近年大熱文青風，隨即堀起不少特色嘅文藝物品做回禮，而近日喺網上見到一對文青朋友搞左一個戶外婚禮，一個溫暖嘅陽光伴隨住清草地，相當溫馨。佢哋嘅回禮都非常別出心裁，就係送出俘擄不少人心嘅「肉肉盆栽」仙人掌！
收到嘅賓客當然係非常開心！不過新人們要留意番賓客拎走時會唔會方便？現場多唔多小朋友走嚟走去？需唔需要有專人特別照顧一盆盆可愛嘅仙人掌？如果因為一個選擇而令要兼顧嘅事情多咗，又會否值得？
要做到有特色又方便賓客攜帶，其實可以根據月份、天氣而作出考慮。好似年頭年尾係婚禮嘅旺季，天氣比較乾同凍，新人就可以選擇自家制嘅潤唇膏、潤手霜等等。呢類嘅物品除咗實用性非常高之外，亦可以令賓客感覺到一對新人真係非常貼心。
所以，新人們，千祈唔好睇小一份好嘅回禮，絕對會幫妳喺一場婚禮上錦上添花！